مواضيعك اليوم روعه زيك يا بسمه امل والله حتى احنا اشتقنا لك من زمان عنك
المهم حياك الله وهذا ردي على الموضوع
ماذا لو كنت انت او انتى مدير هذا المنتدى؟
المنتدى رايي فيه الصراحه مو عاجبني هذي الايام احلاظ التطور فيه بطي جدا من ناحيه الاعضاء
انا ماابغى كلامي يزعل المدير العام المنصوري بس عدد الاعضاء قليل جدا ونصهم نكات بس
انا لو كنت مدير المنتدى حفكر في طريقه تجيب الزوار اكثر
فيه طرق كثيرة هيا مو اعلانات بس
ماذا ستغير بالمنتدي ؟
اشياء كثيرة
اول شي الاستايل احنا ملينا منو صراحه
ثاني شي فيه حاجه مو عاجبتني بجنب كل قسم يقولي عدد خيالي من الزوار ومحد فيه اصلا
مثلا يكون في القسم 5 يقول المنتدى فيه 50 زي كذا هذي لو انا المدير اشيلها
ثاني حاجه المشرفين الا غايبين عن المنتدى ارسلهم رساله يرجعو والا ينشال منهم الاشراف وانا اصلا منهم
ما هو القسم الذي تحب ان تضيفة ؟
الاقسام حاليا شايف انها مررة مناسبه للمنتدى
وما هو القسم الذي ستحذفه ؟
مافي شي بحذفه
ما هي افكارك لتجديد المنتدى؟
حط مجموعات يعني اعضاء نشيطين بلون والاعضاء والمشرفين بلون والاعضاء العاديين بلون.. الخ
- وضع لوحه شرف في المنتدى
- عدم اهمال الاوسمه
- منتدى الشكاوي اخليه مايشوفه الا الادارة وكاتب الموضوع
من الاعضاء اللي بتحطهم مشرفين؟
الاعضاء الي يستحقو الاشراف اخذوه
ايه اللي تحبه فى المنتدى؟
الاعضاء
ايه اللي تكره فى المنتدى؟
عدم الاهتمام به بالوجه المطلوب
المنصوري بسمه امل لاحد يزعل من كلامي لانو والله الحقيقه وانا اتمنى للمنتديات جده ستي التقدم