قصة المدرسه العزباء





السلام عليكم
تدور القصة حول مديرة مدرسة عزباء غابت عن المدرسة يومين ولما عادت لمدرستها قابلوها المعلمات : سلامات وينك يامديرة ؟
قالت لهم : باركوا لي تزوجت
قالوا: مبرووووك ولكن منهوزوجك ؟
قالت لهن : بصراحة زوجي هو زوج وحده منكم
المعلمات : !!!! تكفين علميننا أي وحدة منا ؟
قالت المديرة : والله ما أعلم .


المهم لزموا عليها فقالت لهم : أنا ماراح اتكلم اللي تبي تعرف هل هو زوجها وإلا لا
تجيب بكره معها خمسمية ريال وإذا جت توقع تحط الخمسمية على الطاوله واللي آخذ خمسميتها تطمن انه ماهوزوجها
واللي أخلي خمسميتها على الطاولة ولا آخذها فهو زوجها
عيب علي اتزوج زوجها وآخذ بعد منها خمسمية ريال


وافقوا المعلمات على الطريقة


ويوم جاء بكرا وكل وحدة مجهزه معها الدراهم
جت الأولى والثانية والثالثة والرابعة حتى العاشرة والمديرة تاخذ الدراهم ..
يوم جت المعلمة المعلمة الحادية عشر.... بدت المديره تتأفف ... المهم المعلمة حطت الدراهم على الطاولة وقالت لها تكفين خذيها يالمديرة
قالت المديرة : اعذريني .... قالت المعلمة : كانها قليلة حطيت ألف بدال الخمسمية !!!!!!!
قالت المديرة : أووووووووووووه معليش أثرك أنتي جواهر والله اني آسفه غلطت
تنفست المعلمة الصعداء وقالت الحمد لله يعني بتاخذين الفلوس ...المهم اخذت المديرة الفلوس ..
ودخلوا بقية المعلمات حتى ال 23 والمديرة تلعب باعصاب كل وحده وفي النهاية تاخذ الخمسمية .
المهم بقي معلمة وحدة فقط ماجت
اتصلوا عليها المعلمات : هاه وينك يا استاذه ؟
قالت : والله اني تعبانه وماني جايه ... بس طمنوني منهو اللي زوجها تزوج المديرة ؟
قالوا : لين الحين مابين شي والمديرة عيت تاخذ الفلوس لين تحضر كل المعلمات ( يلعبن عليها بس يبونها تجي عشان يتطمنون إنها هي لأنه مابقى إلا هي )
وقالوا المعلمات: لازم تجين تكفين .




المهم جت تسحب رجليها بالقوة ودخلت على المديرة والمعلمات كل وحده مبسوطة انها مهي هي وبدن يسمون على المعلمة ال 24 عشان ماتنصدم ..
دخلت المعلمة الأخيرة غرفة المديرة وحطن باقي المعلمات ايديهن على قلوبهن وحطت المدرسة الخمسمية على الطاولة وضفتها المديرة .. !!!
يوم طلعت كل شي عادي وماصار شي وفلوسها أخذتها المديرة ..
قالوا : يابنات فيه وحده منكم ماخذت المديرة دراهمها ؟
قالوا: لا والله كلنا اخذت دراهمنا .
ودخلوا المعلمات على المديرة
وقالوا: اخذتي الفلوس من كل المعلمات تلعبين علينا منهو زوجك ؟


قالت المديرة المهم الدراهم ( 12000 ريال ) ماراح ترجع ...... وأنا والله لاتزوجت ولا شي لين الحين عزوبية ووالله كنت مريضة هاليومين .
ولكن صارلي اكثر من شهر اطلب من كل وحده تدفع مية ريال عشان نصلح المصلى ولا وحدة منكم دفعت قلت والله لأخليكم تدفعون 500 ريالنصلح المصلى ونشتري مصاحف وقف للمسجد

قالوا المعلمات : الله بالعافيه فداك الدراهم ولو تبين زود عطيناك
بس هو صدق رجالنا ماتزوجوا علينا!!!!!!