دولفين وردي!!Pink Dolphin
بسم الله الرحمن الرحيم
السلام عليكم ورحمة الله وبركاته
في أحد سمع عن دولفين وردي او شاف دولفين وردي؟؟
اليوم الصبح كنت نايم و دق لي عمي من ايطاليا
ولما رديت عليه قالي: حصون قوم اتعرف ان في دولفينات ورديه
قلت له: ايه ايه أعرف بالاحلام
عمي: قوم أنا اتكلم جد
قلت له: مادري لا يكون صابغينهم ترى ولله اشتكي عليهم
عمي: لا, أمس تعرفت على واحد وكنت اسولف له عن الطيور و اهو كان يسولف لي عن الدولفينات وقال لي في دولفينات ورديه اكتشفوها في شرق آسيا من فترة, طبعا انا ماصدقته بس سويت نفسي مصدقه, ولما فتحت النت وسويت سيرج طلع صج في دولفين وردي
قلت له: خلص لي قمت بشوف, بس ياويلهم ان طلعت مصبوغه
عمي: لا لا مو مصبوغه انت قوم وسو سيرج وشوف بنفسك
قلت له: انزين
عمي: خلص بصك أنا رايح الدوام, قوم شوف وقولي
قلت له: إن شاء الله
بس رجعت نمت وبعد ساعه او أقل قعدني اخوي في الله من النوم
الحين ابي اتذكر مكالمة عمي كانت صج ولا حلم صج ولا حلم
وخصوصا قبل المكالمه كنت حلمان في سلاحف مائية رهيبه
قلت النقال بيحسم الامر, ولما شفت المكالمات المستلمه فعلا عمي داق
قمت وفتحت النت و عملت سيرج وشفت هذا
Have you ever seen the pink dolphins? Not many have. There are less than 100 pink dolphins left in an estuary of Hong Kong's Pearl River.
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
اللي قهرني إن الدولفين هذا تم أكتشافه في 1999 ونحن الحين في 2007 ومقبلين على 2008 وماعندي خبر
الدولفين هذا يولد رمادي اللون بس مع تقدم السن يتغير لونه من الرمادي للون الوردي, فيقولون إن تقدم السن اهو اللي يغير لون الدولفين من الرمادي للوردي, والاغرب من جذي إن النوع هذا يتواجد في جنوب بحر الصين في هونج كونج فقط, ماعرف اتوقع في عامل ثاني يلعب دور في تحول اللون وبأذن الله جاري البحث عن الاسباب
و إن شاء الله تعجبكم الصور