ياللي زعلت إزعل ولاني مراضيـك // أشرب كدر ماي البحر كانه أرضاك !@
اللي زعلت إزعل ولاني مراضيك
أشرب كدر ماي البحر كانه أرضاك
لاتحسبني عقب صـدك بداريـك
بعز نفسي عنك مـدراك مـدراك
أربع سنين ونـا متحمـل تغليـك
راضي بتعذيبك لأجل قلب أغـلاك
وخليتنـي واليـوم والله لأخليـك
وأدوس قلبي ليـن يقـول خـلاك
قبل تورينـي الحسايـر وأوريـك
ليمن قـال فـلان هانـك ووراك
كانك تحداني فأنا أقبـل تحديـك
وأنسى الغرام اللي مضى وأتحـداك
ماني بقايل لك عسـى الله يهنيـك
الله يحرمك كل مـا كـان هنـاك
عسى العمى ياخاين العهد يعميـك
فوق الغرور اللي عن الماضي أعماك
وعساك ماتسمع قريـب يناديـك
حيثك تجاهلت صوت محروم ناداك
وعسى الشلل يعوق رجل تمشيـك
لينك تندم ليش غيـرت ممشـاك
وعسى حياتك بس فرحة لشانيـك
يلقا بها الفرصة عـدوك ويشنـاك
وعسى الليالي اللي تجيني بطاريـك
يصبح عليها الصبح وتموت طرياك
وعسى المنام وكل راحـة تجافيـك
آمين حتـى اللـي تمنـاه يجفـاك
وعساك ما تفرح وتكثر بلاويـك
وأمك تشق الجيب من عظم بلواك
ولامت جعلك في جهنم تصاليـك
ونار الجحيم ونار دنياك تصـلاك
الله يكره فيـك حتـى دوانيـك
غشاش خاين مَن مِن الناس دانـاك
هذي النهايـة روح والله يجازيـك
أمسك ويومك عن الغـد يجـزاك
ياللي زعلت إزعل ولاني مراضيـك // أشرب كدر ماي البحر كانه أرضاك !@ 
العرض العادي
