على طاري الحلا شخبار..شفايف لونها يحير
اقول احمر..يغار الورد
ولو زهري يغار اللون من نفسه
وعلى طاري الغلا شخبار..عيون الحب رويانه ؟؟
عسى بس ما تركتيها..تموت وتذبل بشوقك !!
واذا بشوقك رويتيها انا كلي ضما لشوقك
ابي اروى اللين افقد واصير..بجد رومنسي
ليلة من ليالي العمر محبوسة
نبي نسلا..نبي نخلي الحزن يضحك
ونبي نزعج سكون الجو..نبي نضحك على الماضي
ونبي نخلي نجوم الليل نعسانة
ونبي نخلي بحور الكون ضميانه
نبي ننثر قصص عشاق
نبي نغير مفاهيم الزمن هذا
نبي كل اللي انطعنو
ننسيهم طعون (ن) خضر
انا وانتي وحكايتنا حكاية حب مجنونة
صدف واحلى صدف حنا
تعب واروع تعب كنا
تخون قلوب..ما خنا
لنا اشتاقت (اماكنـا)
على اوتار الوفا نعزف
نغم واحلى نغم وافي
قسى هالوقت..مالنا
يلين الوقت..له نقسا
نعانده..بشقاوتنا
نبي نفرض طبعيتنا
على طبع الطبيعة ذي
اقول .. شرايك نغمض
ونحلم حلمنا الوردي
انا احلم اكون اني
ملك لأرض الوفا بالكون
واكون اول بشر يرسى
على موطن دفا قلبك
واكون اول ولد مجنون
يداعب حرفة شعورك
واكون الناطق الصادق..اذا سولفت صدقتي
ولو اكذب عليك بشي..اكون بعينك الصادق
وابي احلامي تتحقق..وابي احلم وابي احلم
وانتي غمضي يالله
وقولي حلمك الوردي
واذا رمشك على رمشك..رفض يقرب من الثاني
مسافة بينهم ربي عجيبة كيف صورها
اببقا احلم واحلم اللين الحلم يتحقق
اذا كل الحلا منك..ولك..وفيك مضمونة
وعلى طاري الحلا شخبار..شفايف لونها يحير !!
على خبري ؟؟ فديت اللي على خبري !!
على طاري الحلا شخبار .. شفايف لونها يحير 
العرض العادي
