انا لاقلت لي شلونك!!!

#1 (**permalink**) 09-Aug-2008, 11:13 AM

انا لاقلت لي شلونك وانـا ضايـق اقـول بخيـر

مدامك سائـله عنـي اكيـد ان ضيقتـي راحـت

انا من كثر ماحبـك اشوفـك فـي عيونـي غيـر

تضيق النفس من غيرك ولامـن شفتـك ارتاحـت

احبك كثر .. ماتطـري فبالـي وتشغـل التفكيـر

كثر .. ماشيلـك بعينـي ونـاسٍ منهـا طاحـت

احبك كثر .. ما ادمح خطـاك ان خانـك التعبيـر

كثر .. ماخانت الرفقـه بكتـم اسرارهـا وباحـت

احبك كثـر .. صقـارٍ تولـع فـي محبـة طيـر

كثـر .. مادلـة الطيّـب بريحـة هيلهـا فاحـت

احبك كثر .. ماحس بشعـور انـي عليـك اغيـر

كثر .. مازيح هالغيره عن افكـاري ولا انزاحـت

احبك كثر .. مالك داخلـي حـب وغـلا وتقديـر

كثر .. ماغبت عن عيني ودموع امفارقك ساحـت

تصدق !! من عرفتك صرت احبك .. واكره التغيير

وانا اللي كنت اعشق كـل نجمـه بالسمـا لاحـت

تأكد كـل ماتسئـل عـن حوالـي اكـون بخيـر

مدامك سائـلٍ عنـي اكيـد ان ضيقتـي راحـت

09-Aug-2008, 02:45 PM

انا لاقلت لي شلونك وانـا ضايـق اقـول بخيـر

مدامك سائـله عنـي اكيـد ان ضيقتـي راحـت

اخي كافي

خاطرة جميلة

كجمال حضورك

وكلمات رائعة

كروعة مشاركاتك

تحياتي