يامتعب القلب قلي ويش غلطاتي !!!

#1 (**permalink**) 09-Aug-2008, 11:18 AM

يا متعب القلب قلـي ويـش غلطاتـي

.............ان كنت انا اقـدر اعدلهـا .. بعدلهـا

لصرت تجهل عناء الدنيا .. وضيقاتي

.............من دون ماشرح لك اوضاعي تأملهـا

الوقت ضدي .. حرمني من ملذاتـي

.............والصد بعدك ذبح روحي .. وكملهـا

لا .. لايغرك كثير الصمت .. وسكاتي

.............خل المشاعر تقـول ( الآه ) وإسألهـا

يسكني الحب .. واضح من عباراتـي

.............وش عاد لجلـك حروفـي لـو أذللها

عذبني الشـوق واسرفـت بخيالاتـي

.............روح ٍ تحبك دخيلـك ليـه .. تهملهـا

ياليتك إشـوي تشعـر فـي معاناتـي

.............دنياك يمكن عليـك تضيـق باكملهـا

الحزن كنـه سفيـري فـي علاقاتـي

.............والهم خيّم علـى حالـي .. وطولهـا

اغديت دربي وتاهت فيـك خطواتـي

.............كل المواعيـد مـدري ليـش تجلهـا

سنين احاول وضاعت كـل حيلاتـي

.............متدري اني ( حيـاة الـذّل ) مقبلهـا

لجيتك أسـال وادوّر فيـك ضحكاتـي

.............كنك تعمـد بيديـك اليـوم .. تقتلهـا

لا تتـرك الظـن يلعـب باحتمالاتـي

.............الكلمه اللي تحـزّ بخاطـرك .. قلهـا

تعال شفنـي وحـس بحـال لوعاتـي

.............كن الدقايـق بدونـك عـام مطولهـا

متى التباشر بقـدوم ( الغـلا ) تاتـي

.............فرحة زمانـي بشوفـك مـا تخيلهـا

خلاص صبري تعـدى كـل هقواتـي

.............اتعبت نفسـي ( اعزيهـا .. وعللها )

ابيك تنسى وتدمـح كـل ( زلاتـي)

.............بعض البشر صعب مانقـدر نزعلهـا

والحين جيتك ابمسـح كـل غلطاتـي

.............دنيـا ي دونـك وربـي ماتحملـهـا

09-Aug-2008, 02:39 PM

بعض البشر صعب مانقـدر نزعلهـا

والحين جيتك ابمسـح كـل غلطاتـي

.............دنيـا ي دونـك وربـي ماتحملـهـا

كلمات جميله اشكرك اخي كافي

ونتمنى منك المزيد

10-Aug-2008, 04:24 PM

اقتباس:

المشاركة الأصلية كتبت بواسطة مشعل2030

بعض البشر صعب مانقـدر نزعلهـا

والحين جيتك ابمسـح كـل غلطاتـي

.............دنيـا ي دونـك وربـي ماتحملـهـا

كلمات جميله اشكرك اخي كافي

ونتمنى منك المزيد

مشكور اخوي مشعل مرورك اسعدني وافرحني

يارب لايحرمني من ردودك الغلا

تيحاتي

يامتعب القلب قلي ويش غلطاتي !!!

* قسم النثر والخواطر*