ابي شغالة سعودية

ابي شغالة سعودية مربوعة في بحر العشرين متعلمة تجيد الانجليزية
اليوم ارسلني ابوي اقدم على شغالة <<< له علاقة وثيقة بالشغالات ـالمهم اني رحت لمكتب استقدام … وقلت له نبي شغاله يالحبيب ـ

قال لي بالشطة ولا بدون : << يستخف دمه الحضرمي ـ
قلت له لا سادة <<< امصل منه ـ
الزبده انه قال لي من وين تبونها من اي جنسية
قلت وش عندكم <<< ابوه مرسله يبي اندونيسسيا وقام يتنقى ـ
الحاصل في الأمر لقيت عنده اشياء حارمنا منها ابوي الله يهديه لقيت عندهم جواري ـ
من اوروبا الشرقية ومن المناطق الاستوائية ـ
لابجد
قال لي وش المواصفات الي تبونهااا ومن وين من اي جنسية ؟
قلت المواصفات خلهااا علي بس الله الله توصى لناا فيها ـ
قلت له نبيها في بحر العشرين ـ
ابي طولها من 158 - 165 ـ
وابي شعرهااا مسدول الى الأكمختين <<< الأكمختين جملة ليس لها معنى من الأعراب ولكن هي المنطقه الي ابي الشعر يوصل لهااا ـ
ابي الشعر كثييف ـ
ابي تقول ذيل حصان << يسمع بالوصف ـ
ابي الخصر تمر الحنضل ( الحدجه في رواية بدويه ) من تحتهااا لا نامت على جنبها <<< وش عنده نمر بن عدوان هو وولده عقاب ـ
وابي الوجه مثل القمر ـ
وابيها حلوووه ـ
وابيهاا متعلمة ويفضل جامعية ـ
وابيها مطيعة ومرحة ـ
وابيهاا تقول سمعاً وطاعة سيدي ـ
وابيهاا تستحملني مثل مو انتم مستحمليني ـ
قال راعي المكتب ماتبيها وارثه ورث :ـ
انت تبي شغالة ولا تبي تعرس عليهااا ـ
قلت له ياخي وش دراك يمكن اعرس عليهااا ـ
قال الزبده من وين تبيها من اي دولة ؟
قلت وش الدول الي عندكم ؟
قال حنا متخصصين بالاسيويات … كل شي من اسيا عندنا
قلت اي مثل ايش
قال عندنا من اندونيسيا والفلبين والهند ونيبال بس ما انصحكم فيهم لان اغلبهم بوذيين
قلت الله واكبر عاد الاندونيسيات الي عندنا يركعونها ـ
قلت وش بعد
قال وفيه من بنقلاديش وسيرلانكا والسعودية
قلت اييييييييييييش: ـ
تستهبل انت
قال اي والله بس ترى السعودية اغلى راتب بـ 1500 ريال ـ
قلت تستهبل انت سعودية شغاله ـ
قال لااااا يابن الحلال مو شغالة
مديرة منزل
قلت انت مثل الي يقول عن الخمر شراب روحي ـ
قلت بلله من جدك تتكلم
قال اي يابن الحلال ماقريت الجريدة امس ؟
قلت لا وش مكتوب فيها ؟
قال شوف جريدة الرياض يوم الأحد 9جمادى الآخرة 1428هـ - 24يونيو 2007م - العدد 14244
http://www.alriyadh.com/2007/06/24/article259288.html
لاحول ولاقوة الا بللله

بلله وصلنا لهذي الدرجة ؟
السعودية يبون يشغلونها شغالة ؟
يعني فلوس البلد تصرف على هالأجانب والسعودية يبون يشغلونها شغالة ويقولون مديرة منزل !!!!؟
حسبي الله ونعم الوكيل
الامير سلطان حفظه الله وسلمه وطول عمره …. الخ ـيأمر بصرف راتب لطفل يماني مقداره 5000 ريال شهرياً مدى الحياة عشانه قال قصيدة امامه

الله يجزاه خير على فعله … وصح انه امر بصرف الراتب من حسابه الخاص
بس نتمنى انهم ينظرون للناس الي مسجلين بالشئون الإجتماعية والفقراء بهذا البلد الغني الي منعم الله عليه ويصرف لهم برضوا 5000 ريال بشكل شهري وتصرف ايضا للعاطلين وللسعوديات الي بيشغلونهم شغالات !!!
يعني من الظلم بنت البلد تصير شغالة وبراتب 1500 ريال ؟
والاجنبي يصرف له 5000 ريال عشان قصيدة ؟
من الظلم يطلع واحد مثل وكيل وزارة العمل ويستخف بعقول الناس ويقول مديرات منازل بدل شغالات !!!
اصلا هو يستحي يقول بنوظف السعودية شغاله !!! قام يكحلها ويقول مديرة منزل
طيب ابداء ببناتك عساك الي مانيب قايل ـ
صح ان حريمنا كسلانات ومتعودين على الرفاهية ولازم من يوم تتزوج ولا من اول ولد تبي شغاله ـ
بس ماتوصل اننا نسعود الشغالات !!!
حسبي الله ونعم الوكيل
حسبي الله ونعم الوكيل
شيء يقهر قسم بلله
يا زمان الذل.. زل..
ما بقى في الناس شيمه
وما بقى للعدل خِل
ومن كثر ما حنا صغرنا
صرنا حتى بدون ظِل
صرنا ما نملا المحِل
صح لسانك ياطلال الرشيد والله يرحمك واموات المسلمين
على فكره القصه حقت الشغاله من وحي الخيال ـ
لكن الخبر للاسف صحيح مليون بالمية ـ
سبحان الله وبحمده ,,, سبحان الله العظيم

منقول للأمانة

لاحوله ولا قوة الى بالله , حسبنا الله ونعم الوكيل في الي كان السبب

والله اني مو مصدق الي يسير في البلد كل يوم في نزول ..

الله لايجعل لبلدنا كدا والله يرزق جميع الاسر المحتاجه ويرزقنا جميعا ..

والله في خاطري كلام كثير لاكن زي مانت شايف الانسان مايقدر يتكلم ولا

يقول شي .. لاكن الانسان يوكل الله على كل شي وحسبنا الله ونعم الوكيل بس

ومشكور اخوي .. عاشق جده .. لاتعليق اكثر من كدا ,,

وين الخلل من الحاكم ولا المحكوم من وجهة نظركم .

لاحول لله ولاقوه الا بالله العلي العظيم ..

يجزاك خير اخوي عاشق ,.,,

والله ياخوي المنصوري فكرت بسألك بس ماني عارفه اجابته
.

يمكن الغلط من الي فكر بهالحل نفسي اعرف وجهه نظره يعني عشان يسدون الحاجه يسون هالشي
لييه مافي اي عمل مرره مقفله من كل جهه

اسمح لي هالتصرف كان خطأ

والله يسامحهم ..


تقبلو مروري ..

تـ ح ــيتي لكم ..