قاهرتهم ....هذي انتي ؟؟؟؟

قاهرتهم ....هذي انتي ؟؟؟؟

السلام عليكم و رحمة الله و بركاته
ان شالله تعجبكم القصه .... وهذي اول

بسمة والله انا تحمست اتمنى يكون في جزء ثاني

تسلمي يالغالية على القصة

تقبلي مروري ...

يسلمو على مرو
ترقب جز ثاني
سلامي لك

قاهرتهم ....هذي انتي ؟؟؟؟

السلام عليكم ورحمة الله و بركاته
شحالكم ؟؟؟
بالرغم اني ما سمعت ردودكم ... بس بحط الجزء الثاني

second part

.... في اليوم الثاني....
فتحت قاهرتنا المسن لكن سمو المشاعر ما كان اون لاين
فقالت موزه : اكيد الحبيب ما راح المول عشان كذيه ماله ويه يكلمني ... اكيد يبغي يسوي فيني حركه
وبعد ساعتين دخل سمو المشاعر
هني موزه اونها مسويه طااااااف (بس هي اصلا على نار تبغي تعرف شو صار)
سمو: السلام عليكم
موزه بعد دقيقتين(ما تقدر تصبر اكثر ): هلا و عليكم السلام
سمو: ها شو رايج؟؟
موزه ما فهمت: على شو ؟
سمو: يعني ما يتي البارحه؟
موزه:لا و الله ييت بس اخوي نزل معاي وخرب علي
سمو : افاااااا....يلا ما عليه ..كنت اتريا تعليقج
موزه: قهر
سمو:ههههههه يوم لج و يوم عليج......ربي ما رضاها
موزه: كيف يعني
سمو: قهرتيني ذاك اليوم يوم قلتيلي خسف
موزه:هههههههه
سمو: برب
موزه:وين ؟ تو الناس
سمو: و الله مشغول... مع السلامه
موزه: ربي يحفظك

بعد يومين
......في بيت موزه.....
يلست موزه عند امها
ام موزه:امي موزه انا بسير المول تبين شي من هناك
موزه مع ابتسامه شريره: ليش شو عندج في المول
ام موزه: بسير ايكيا
موزه هني قالت : خلني اجرب حظي يمكن اليوم اشوفه
موزه: انا بعد ابغي ايي
ام موزه : غريبه ... انتي ما تحبين ايكيا
موزه : لا من قال اني بسير ايكيا اععع.. بسير زارا عندهم نيو كولكشن
ام موزه: اها... قولي كذيه بس و الله ما بتشوفين درهم مني
موزه:خخخخخخ خير ان شا الله
وفجاة قامت موزه ركض و فتحت الكمبيوتر و يلست تدعي
موزه: ياااارب يكون اون لاين
اللي بيشوفها بيقول تدعي انه ربي يرزقها الجنه
المهم........
سمو المشاعر كان اون لاين
موزه : الحمد الله يا ربي
اول شي
بدت اتطرش اشارات التنبيه
سمو: بسم الله ....هزيتي الكمبيوتر
موزه:اقول سمو....انت شواسمك
سمو: اسمي يا طويلة العمر ..ثاني
موزه: ههههه... شوخلصت الاسامي
سمو: وجع
موزه: سوري سوري
سمو: لا سوري و لا لبناني
موزه: ههههههه
سمو: وانتي شو اسمج... روعه و لا قمه
موزه: هاهاها
سمو: لا صدق
( بدا الخرط)
موزه: اسمي مريومه االمزيونه
سمو: هههههههههههه و تدلع عمرها
موزه : ليش شو ناقصني ؟
سمو: شوفوا التناقض ... مريومه المزيونه .. وقاهرتهم
موزه:خخخخخخخ .. المهم اول اقصد ثاني
سمو: حلوه بس لا تعيديها
موزه: انا بسير اليوم المول
سمو: انزين بس لا تتاخري
موزه : شف ... انا ما اطلب منك اذن
سمو: ها عيل شو تبين
موزه: فلوس
سمو: هاااا يلا يلا مناك
موزه : ههههههه خيبه ... امزح
سمو: و الله والله شو ؟
موزه:يعني افهمها يا حلو تعال عشان اشوفك ^_^
سمو: امممم... اوكي بس هذي المره انتي قولي وين ؟




............النهايه.............








لا امزح


موزه:امممم..
( تمت ساعه تفكر لانها ما تقرا اسم المحل يوم تدخل )و ما جا على بالها غير ...
موزه: شو رايك محل شيزاري باشوتي
سمو: شو؟؟؟
موزه في نفسها : اخاف قاريه غلط
سمو: اقول بوقف عند عبد الصمد القرشي .. ما بيلس ادور على محلج
موزه: خلاص ... مع السلامه
سمو: مع السلامه

سكرت موزه النت و تلبست وسارت عند امها و قالت لها يلا انا جاهزه خلنا نتحرك
ام موزه : غريبه انتي اكيد اليوم فيج حمى
موزه: بسم الله علي ... ليش؟؟
ام موزه: نزلتي بدون ضرابه و جاهزه ... مب عوايدج.. اللله يديم هالحال
موزو: امييييييين ... انزين وين الدريول ؟
ام موزو: محد
موزو : ها ... لا تقولي بنسير مع فيصلو ( تعقدت ياحليلها)
ام موزه ( ما في ابرد منها): لا
موزه: شو هذا لغز
ام موزه: هههه... بنسير مع خالتج ساره و بنتها شما
موزه : لااااااااااااااااااا
ام موزه : شو بلاج؟؟؟؟
موزو: افف و لا شي
ام موزه : الحمد الله و الشكر يتها الحاله
.... بعد خمس دقايق ...
دخلت خالتها البيت و قالت حق موزه تسير تقعد في السياره
موزه : لا حووول كملت .... ان شا الله
وهي طالعه من البيت يالسه تتحرطم و ما ادري شوتخربط تخرطفت بس الله سلم و ما طاحت
وهي و كأن شيئا لم يحدث ... كملت و ركبت السياره
اول ما ركبت سمعت
....: هههههههههههههههه
كان ولد خالتها (اللي و ايد كلوز) في السياره مع اخته (شمو)
ولد خالتها: خيبه شوفيج ؟؟
موزه يوم شافته ردت لحالتها
موزه: اااااااااه .... السلام عليكم
شموواخوها : و عليكم السلام و رحمة الله ة بركاته
شما : شوموزه اليوم كاشخه .. شو السالفه؟؟؟
موزه: يا حياتي انا جامعيه اخاف اشوف وحده من ربيعاتي .. شو بيقولون عني .. عشان برستيجي
موزه ما كانت تبغي شما تسير معاهم لانها بنيه فطييينه و تلقطها عالطاير
الجو في السياره كان مشحون ... تعرفون ليش ؟؟؟؟
لان ولد خالة موزه (سلطان) يحب موزه من صغرها لانها خريش و الكل يعرف
وموزوه تحبه مثل اخوها مش اكثر وو اييد تحترمه
المهم في السياره بدت موزوه حركاتها
موزه : اقول شمو شو رايج في رسمة عيني ؟؟
هني سلطان تم يطالع في عيونها من المنظره....و موزه تسوي حركات
شمو: بسم الله تروعين...حتى الدلع ما تعرفينه
موزه : والله انتي اللي ما تعرفين تقولين شي عدل ... اقول خلني اسال ناس تفهم
شو رايك سلطان؟
سلطان يقول حق شما: ترا عيون بنت خالتيه يتغنون بها الشعرا
موزه بعد ما كبر راسها : شو بعد ؟؟
سلطان: و.......
شمو: حو حو وين تبون
موزه : انتي شو مشكلتج اخوي و يمدحني
سلطان ميت من القهر يقول في نفسه: هذا اللي طلع منج.. لو تميتي ساكته ابرك
.....وبعدين ام موزوه و خالتها ركبوا السياره
موزه: يلا راجو تحرك
.....وصلو الجماعه المول بالسلامه و كل الدرب و موزوه مشغله ميحد ... اكيد القمه
سلطان : كنت احب اسمع الاغنيه بس الحين صار عندي فوبيا منها
موزه : ههههه اقول راجو لا تسوي وايد قرقر
سلطان كان بخاطره يفلعها بشي
سلطان: امي يوم تخلصون دقو لي و بكون عندكم انشا الله
.... دخلوا المول من الباب الشمالي ...
ام موزه و خالتها ساروا صوب ايكيا ..واكيد موزه كانت وجهتها ( عبد الصمد القرشي)

قاهرتهم ....هذي انتي ؟؟؟؟

السلاااااااااااام عليكم و رحمة الله و بركاته

the final part

ام موزه و خالتها ساروا صوب ايكيا ..واكيد موزه كانت وجهتها ( عبد الصمد القرشي)
وهي ماره من هناك شافت مجموعة شباب واقفين عند الباب
موزه : لا حوول الحين انا كيف بعرفه ...هذا يستهبل
وفجأه لمحت من بينهم
اخوها فيصل ... هني هي خافت قالت : يا حبيبي اخوي واحد من ربع سمو
اخاف اخطف من هناك ويكون قايل لهم شي .. ذاك الوقت بروح فيها
بسرعه موزوه سحبت شما و غيرت طريقها
شما: بسم الله.. زين ما طحت قدام الشباب
موزه وهي متخربطه: هههههه
شما: وين رايحه... من هني
موزه : لا تذكرت شي وابغي رايج فيه و بعدين بنسير صوب المطاعم
(موزه يوم تتضايق تحب تاكل) يعني ربحت المطاعم
وفي الدرب و هم رادين البيت.. موزه ساكته( مش من عوايدها )
سلطان : خير .. شو فيها ام لسان ما تتكلم؟؟
شما : و الله ما ادري فجاه انقلب و يهها و مدت البوز
ام موزه : اقول لكم بنتي حالات بس محد يصدقني
موزه.... لا تعليق
موزه كانت تفكرو تقول: الحمد الله اني ما قلت اسمي الكامل حق ثالث ما ادري ثاني (حتى هني تستهبل... الله يقطع شيطانها)
والله كان عرف انه فيصل اخوي
....... وصلت موزه البيت وسارت غرفتها ووما فتحت المسن ...
قبل ما تنام او بالاحرى ما جاها نوم ... سارت و فتحت المسن( ما تتأدب)
موزه: السلام عليكم
سمو: و عليكم السلام هلا ...ليش اليوم سلامج بارد؟
موزه: تتكلم وكأنك ما تعرف ؟
سمو: لا تقولي لي ما شفتيني
موزه : و كيف بعرفك وانت واقف مع جيش
سمو: و الله العظيم ما كنت اعرف انهم بيوقفون عندي تراهم لصقه
موزه : الحب ما ظهر الا الحين
سمو: هههههههههه .. بس كنتي بتعرفيني لاني كنت اطالع في كل وحده تمر .. زين ما يابولي السكيورتي
موزه: ههههههههه
موزه: انا كنت بمر بس بنت خالتي البومه معاي .. رادار مب بنيه
سمو : انزين شو فيها؟
موزه : شو فيها ؟؟؟.... بتبدى المحاظرات
سمو : يلا مش مشكله المهم غيرتي جو
موزه : هيه وايد (يعني من حالة الفرحه الى المغثه)
سمو : برب
موزه : لاااااااااااااااااااا
سمو: هااااااا
موزه : ملل.... خليك
سمو: و الله مشغول ...ليش ما تسوين شي مفيد؟
موزه: كيف يعني ؟
سمو: اقري مواضيع في ويكيبيديا و الله وايد حلوه .. يعني تثقفي
موزه: ما احب اقرا
سمو: تابعي البرامج على قناة الجزيره الوثائقيه
موزه : شو... هذا نوع من انواع التعذيب .. ما ابا
سمو: احبج
موزه وبسرعه: و انا بعد
سمو: خيييييبه ... بس كنت ابغي اقول احبج يوم تقفلين و تنحين
موزه بعد ما حست بالفشله : و انا كنت بقول انا احبك مثل اخوي
سمو : هيييييييه قلتيلي
موزه في خاطرها : هذا اكيد سلطان داعي علي لاني اسوي فيه هذي الحركه
سمو: يلا انزين ديري بالج على عمرج
موزه: ان شا الله ...(لو ما كانت متفشله ..ما كانت خلته يظهر)
سمو:مع السلامه
موزه : ربي يحفظك

..... ومرت الايام...
موزه : ياااااااالله.... ليش سمو ما قام يدخل على النت
اكيد مشغول ...ولا اكيد صاكني بلوك و ديليت خخخخ
موزه:علي يا ثاني....(بس ياحليله ما ينلام )
...موزه عندها ايميل ثاني (اقصد ايميل ثاني مش ايميل سمو..)
المهم .... موزه ضافت سموعندها
واكيد نفس العاده سمو ضافها (بس هو ما يعرف انها موزه)
موزه:السلااااااام عليكم و رحمة الله و بركاته
سمو: و عليكم السلام ورحمه الله و بركاته
موزه:شحالك؟
سمو:الحمد الله تمام ربي يعافيج..ومن صوبج؟
موزه: بخير و سهاله
سمو:اسمحيلي..بس ما عرفتج؟(نفس الاسلوب ما يتغير)
موزه قالت خلني استهبل عليه شوي يمكن اعرف شي عنه
موزه:افا ما عرفتني؟
سمو: لا اختي ما عرفتج
موزه في خاطرها : اوهو...دوعوة سلطان ما خلص مفعولها لين الحين
موزه:حاول تتذكر منو اخر وحده كلمتها
سمو:لحظه...اممم
موزه: ^__^
سمو:اوهوو...هذي انتي
موزه:ااااااه شو قصدك؟ انت عرفتني ؟
سمو : اكيد
موزه: منو؟؟
سمو: قاهرتهم
موزه: الله اكبر عليك..تف تف .. كيف عرفتني ؟
سمو:و هل يخفى القمر
قاهرتهم : احم احم ..لا تحرجني.. بس صدق كيف عرفت ؟.....(ملقوفه)
سمو: من النك يا فالحه
...موزه حاطه نك (اسمحولي مشغوله لان القمر طالب مني احل محله)......
موزه:هههههههههههههههه
سمو: الله يديم الضحكه...و الله يسامحج خيستينا
موزه: ما عليه بركاتي
سمو : ما نبغي نتبرك اذا البركه كذيه
موزه : الله يسامحك
سمو : ويسامح الجميع.. المهم شحالج؟
موزه :الحمد الله.. بس في ناس مزعليني
سمو: افا ومنو اللي يقدر يزعل قاهرتنا؟؟
موزه:اللي مسويلي بلوك وديليت
سمو:...لا تعليق
موزه :وانت كله تضيف بنات؟ ليكون كاتب ايميلك على السياره؟؟؟؟
سمو:لا .. بس فكره
موزه: عيل من وين ييبون الايميل ؟؟
سمو : اقول.. مش كل الناس نفسج بطاليه .. انا احط مواضيع في المنتديات ..وايميلي يكون في المنتدى و الكل يحب يناقشني فيها
موزه:وانا اخر من يعلم....
سمو: برب
موزه: لحظه
سمو: هلا
موزه:اقول ثاني....اخر مره
سمو:شو اخر مره؟؟
موزه:ابغي اشوفك؟
سمو: لا حوول ردينا
موزه:و الله اخر مره و بعدها صكني بلوك
سمو:اممم...مع اني متاكد اني ما بشوفج بس فالج طيب
(اكيد سمو كره الساعه اللي طلب فيها انها تشوفه)
موزه:فالك ما يخيب
سمو:وين ومتى؟
موزه:هيه لا تنسى تيب ربعك
سمو:اوهو..خلاص عيل برايج
موزه: لا لا سوري
سمو:ههههه ناس ما تجي الا بالعين الحمره...
موزه:كيف بعرفك؟؟
سمو:بلبس نعال ابيض وكندوره بيج و غتره بيضه
موزه:بس
سمو:وبمسك لافته مكتوب عليها اسمي وايميلي
موزه: اوكي
سمو:انتي هبله
موزه:هههههه لا استهبل
سمو:انزين اسمعي..انا ساير هناك اتشرى من باريس غاليري..(بياخذ له عطور)
موزه:لا ما يحتاج تخسر عمرك(تعرف تستهبل)
سمو:مب حقج....والله ما تنعطين ويه
موزه:هههههههه...انزين ليش تخبرني؟
سمو:يعني يالذكيه بيكون عندي كيس باريس غاليري
موزه: انزيييين
سمو: الحمد الله لقطيها
موزه:انا بلبس شيله عليها حرف (الام)بالانجليزي و بمسك كيس محل زارا
سمو: غريبه .. ليش وصفتي عمرج؟
موزه : في حال ما شفتك .. انت تعال صوبي
سمو:اخاف حد يكون عندج
موزه:لا انا بسير مع الخدامه وهي بتسير الجمعيه تحت
سمو: اوكي ...نشوفج على خير
موزه:مع السلامه
.........سارت موزه المول على اساس انها تبغي تبدل التنوره اللي خذتها من زارا....
......في المول.....
الخدامه:ماما موزه؟
موزه: هاااا
الخدامه: ماما يقول لا تسوي تأخير
موزه:ان شالله
الخدامه: انت كل مره يقول كذيه ويسوي تأخير
موزه:لا حول... انا مش ناقصتج
الخدامه:انا يسوي مسد كول انت يجي عند باب انزين
موزه:ان شاءلله ياطويلة العمر ... تامرين شي ثاني؟
الخدامه:لا لا.. روحي
موزه: و الله ومسوين لج سالفه.. يلا انقلعي
...و سارت موزه صوب محل زارا وتمت تنتظر وكلها امل انها تشوفه,وهي واقفه حست واحد واقف وراها
..... : احم احم
يوم موزه سمعت الصوت تلبكت و خافت لانها ما توقعت انها بتشوفه, يوم لفت شافت واحد لابس نعال ابيض,كندوره بيج, و ماسك كيس محل باريس غاليري................ويوم رفعت عينها عشان تشوفه ..شافت واحد مصدوووووووم...
تعرفون ليش............؟؟؟؟؟؟؟؟؟؟؟؟؟
لانه طلع اخوها فيصل.............................................. .................
فيصل:قاهرتهم ...هذي انتي ؟؟؟
..فجأه اسودت الدنيا....و استوى هدووووووء...وارتسمت على وجوههم خطوط (اقتباس من رسوم ماروكو الصغيره)...
موزه من الصدمه ما طلع منها غير : صادوووووووووووه (وايد متأثره ببرامج التلفزيون)
موزه في خاطرها : يلعن هالحظ ... ياليتني ما قلت له شو بلبس


هههههههههههههههههههههههههههههههههههههههههههههههههه هه
..............................الحين النهايه..............................