أحبس دموعي حبيبي من غلاك

0 احبس دموعي حبيبي من غلاك ...
جلست على السرير وبيدها صورة عتيقة قد تآكل الزمن عليها وشرب لأب وام رحلا بعيدا... بعيدا جدا...
نظرت إليهما و سيل جارف من الدموع يجري على خديها الحمروان... وضعت الصورة من يدها على المنظده
وفتحت دفتر مذكراتها وكتبت
عندما أحزن اقول في نفسي دوما:
{هذه الحياة لانعلم مداها وأظل أتسائل:هل السعاده حقيقيه .....والحزن هل هو سحابة صيف}

في مثل هذا اليوم وهذا التاريخ 2/7/1416هـ
فقدت اغلى مالدي في هذه الدنيا أبي وأمي سنداي
في دنيتي .
توقفت عن الكتابه ..... وسافرت إلى الماضي إلى ذلك العام راحت تتذكر ذلك الحادث المريع الذي راح ضحيته والديها وفقد أخوها فيه نعمة السير على القدمين سمعت طرقه على الباب جعلتها تعود إلي الحاضر مسحت وجهها الندي بظهر يدها
شجون: المزعج اللي يطق الباب يدخل
[انفتح الباب وشافت رائد يطل من الباب وعلى وجهه علامات التعجب والحيره ]
رائد: لا..لا..لالالا..مستحيل أنت جوى ..لا أكيد فيه شيء صاير مو معقوله أنك في البيت ماطلعتي..
لابعد ماجيتي زي العاده تبين تطلعين..اكيد أن بوش أسلم ..ولا فلسطين تحررت
شجون:رائد أنت ماتتذكر
رائد وهو يطالعها بألم: أحاول يا شجون أتناسى ولا فيه أحد ينسى اليوم اللي فقد بالنسبه له دنيته شجون أنا مافقدت أم وأبو بس شجون أنا فقدت أرجولي بعد

{قامت شجون من السرير بسرعه وهي متلومه من نفسها كثير لأنه يحاول يتناسى وهي تذكره راحت وضمته بقوه وجلست تبكي وهو يهديها بحنان الأخوه}


"" "" ""


أقدم لكم قصتي الأولى وأتمنى أن تنال أعجابكم وتحوز على رضاكم اللي هي
{{{{أحبس دموعي حبيبي من غلاك}}}}
نبداء بالشخصيات المهمه والباقي نتعرف عليهم مع
تسلسل القصه


شجون: بنت قمر جمالها صارخ حلوه عيونها شقرووساع رموشها كثيفه ولها غميزات شعرها ناعم مره ولونه عسلي بشرتها سمره وخدودها ورديه وشفايفها صغار ومليانه جسمها حلو مره وعمرها 18 يتيمة الأب والأم.
رائد:اخو شجون الوحيد رجال ولاكل الرجال ملامحه ناعمه وعيونه كبار سود شعره ناعم طويل وعريض تالملك سعود هادي مايحب يتكلم كثير بس حنون..مقعد عايشين في بيت عمهم {ابو سلطان} عمره {23}

ابو سلطان: رجل أعمال درجه أولى شركاته ماليه الدنيا حنون هو اللي مربي شجون و رائد وعادهم زي عياله بس اللي براسه يسويه بدون مشاورة الشخص المعني بذاك الشيء
أم سلطان: حنونه طيبه أم مثاليه حنونه بشكل ماينوصف لدرجة أن (شجون و رائد) يسمونها (يمه)
بس عليها طلعات
سلطان : حبوب مزيون المزاين طويل وأسمر عيونه عسليه كبار رموشه طوال وسيم بشكل وطيب بس أتقي شر الحليم إذا غضب ويدرس بكندا (سياسه وإقتصاد)
وراح يرجع قريب عمره (24) مغرور بس يحقله.

سلمان: جدي وثقيل يفهم المزاح غلط طويل عريض عيونه سود ملامحه رجوليه ومسويلي
((يأرض أشتدي ماعليكي قدي))

سطـــام: محبوب الجماهير لاعب بنادي الهلال عليه جمال وطله عجيبه بايعها ومشبك مع كل بنات الرياض عمره (20 ) وهو وشجون مره مع بعض

سما: أخر العنقود جمالعها بريء وحيويه جسمها روعه وعيونها وساع ولونها أسود وتمشي وتقول
((سماسم ذات الثغر الباسم)) تموت بشىء أسمه رائــــــد بس هو مايعطيها وجه .

(( ونشوف تسلسل الأحداث بعدين))

كانوا ((أبو سلطان وأم سلطان وسلمان وسما ورائد وسطام ))
كلهم في الصاله مجتمعين يتقهون وأبو سلطان معصب
ويقول: اللحين وينها شجون
سما: بغرفتها يبه
أبو سلطان: جيجي روحي نادي شجون
جيجي(الخدامه): أوكي بابا
{وقعدوا يسولفون لمين تجي شجون}
سطام وبصوت واطي : ياويلك يا سما من شجون بتذبحك
سما خايفه بس تكابر: ياحبيبي أنا سوسو لازم تبوسو مو أي وحده بعدين هي اللي جنت على نفسها
شجون وهي تنزل: السلام عليكم
الكل: وعليكم السلام
شجون: سم يبه طلبتني
أبو سلطان: إيه تعالي جنبي
{أخذت شجون حلاوه وفنجان وجلست}
شجون: هاه سم أمر يبه {كانت تتكلم وهي تستملح}
{رائد وهو قاعد يأشرلها: أسكتي ترى أبوي معصب
وسما مبتسمه بخبث
سطام قاعد يسوي حركات ويقول بصوت شبه مسموع:
ياويلك ياسواد ليلك
أبو سلطان بعصبيه:لاتستملحين يابنت000 اللحين ماتقولين لي ليش ماجبت ٍالتقرير حقك 000 قالت سما أنك أخذتيه أن عندك ماده ضعيف
شجون تطالع سما بحقد وبصوت فيه عبره :يبه انا كم مره قلتلك (وتشهق هاه هاهى)ماعرف(هاه هاها)للإنجليزي(هاه هاه ها) اكرهه ماأحبه حاولت ماقدرت أفهمه (هاه هاها) وخفت منك لا تعصب
رحمها أبو سلطان:خلاص يابنتي ما صار الأالخير
المهم من بكرى راح يجيلك مدرسه خصوصيه فيه
000أنتهى000
شجون :أنشاالله يبه
وقام من مكانه
أم سلطان:على وين
أبو سلطان:عندي شغل 0000ويوم طلع
أم سلطان:هذولا هم الرجال السعودين دايم عندهم شغل
سلمان ورائد وسطام بصوت واحد:وش قلتي يمه :سطام:يمه ترى بعلم أبوي
سلمان:ماهقيتها منك يمه
رائد:أجل كذا رايك فينا يمه
سما:أيه أنتم كذا دايم مشغولين ماتعطونا وجه
سطام:على وشو نعطيكم وجه 000 والله لو أنك نانسي ولا هيفاء
سما:والله عاد انا أطلق منهم
شجون: أقوووول000 كثري لي منها 000 المهم أتركونا من هذا الموضوع 00 وانتي يا سما شغلك معي
بعدين ياالخاينه
سما:أنا قلتلك عطيني شريط أليسا بس أنت كسرتيه وهذا
عقابك وبعدين تراك إبتشترين لي جديد ياالحراميه
شجون:على جثتي ياالإنتقاميه ياالله بس بعدي عني أبكلم
ولد عمي وحبيبي سطوم
سطام:وش عندك خلصينا بس أي كلام عن أنك تطلعين
معي أنا و وحده من خوياتي حلمي هاهاي نجوم السما
أقرب لك
شجون:لاأصلاً أنا فقدت الأمل خلاص 00 وش رايك
نطلع انا وياك نغازل صبايا ياحلو
رائد وسلمان وسما :وشو
سطام وشجون:ها هاهاهاهاهاها000 (فاهمين على بعض)
سطام:ماعليكم منا تسمعون00 شجون روحي ألبسي
عبايتك
شجون:ياخلف جدي ماأدري ليش أحس أنك وسيم
رائد عطاء شجون نظره:ماتلاحظين أنك زودتيها شوي000 شوي بس00 ترى مابقى الأ تبوسينه
يابعد قلبي 0000 ولا أقول بوسيه أحسن ترى
عادي مافيها شي
شجون ببراءه: إيه والله عادي تراه زي أخوي
الصغيروبنبرة تدليع:ياننحه واااالله دنن حبيبي
سطام:تعالوا أنتم وش شايفيني أصغر أعيالكم
أنا وأنتي روحي ألبسي عبايتك ولاترى بهون
شجون:لا عاد كل شي ولاالتهوين ياالله بروح
ألبس الحين ((بس))((وتمد يدها لرائد وتفتح
كفها بطريقة شحاذه)) رائد حبيبي أخوي كلي
للــــــــــه يامحسنين
الكل :هـا ها هاهاهاهاها000000
شجون :وش فيكم تضحكون تراني من جد
مطفـــــــــــــــره
أبتسم رائد بحنيه ومد يده لجيبه وطلع <1000>
ريال و حطهم بيدها :هاه كذا يكفي
شجون برصانه وهي تميل شفايفها:تمشي الحال
وقامت وكانت وهي تمشي تكلم نفسها بصوت شبه
مسموع:ممممم 1000 ريال على اللي معي والله
مبلغ مش بطال
رائد بصوت عالي :شجــــــــــــــــون000 شجــــــــــووووووون تعالي ياالحراميه هاتي فلوسي
شجون وهي تركض للدرج:أمزح ترى ماعندي
طفــــــــرااااااااااااااانه وتعطيه بوسه هوائيه وتطلع
سما:قايله لكم أنا أن شجون رئيسة المافيه بس محد
صدقني
"" "" ""
( (في غرفة شجون))
كانت ماسكه جوالها تدق على صديقتها رغد
رغد:بنت خاله شجون عيونها سود ووساع شعرها
أسود وطويل إلى أسفل ظهرها جسمها روعه
شعارها بالحياة {{طنش تعش تنتعش}}
ردت رغد:ألوووو معقوله 000 لا لا لامش معقوله
00000 شجــــــــــــووون بنت عبد الله الـ(0000 )
تتكرم وتدق علي 000 لا لا أكيد مايت أحد
شجون:أسكتي ياالمرجوجه فال الله ولا فالك المهم
ترى بروح أنا وسطام حبيب القلب للمملكه بتروحين
رغد: لا دام فيها سطام حبيب قلبي بوصل قبلكم
بس من زمان ياشجون خاطري بسؤال بس مستحيه
شجون:ياعيني على اللي يحب ويستحي بعد أسالي
خلاصينا وش عندك
رغد:صراحه أنا بنت خالتك لشفت أنك تتغطين
عن أعيال خوالك بس أعيال عمانك
ما تتغطين بس تتحجبين عنهم ليش لا وبعد داقه
ميانه معهم
شجون:حس بالي سؤال مهم ياالداجه أحنا كذا من
وعيت على الدنيا وبعدين أنا عايشه مع أعيال عمي
فنفس البيت فصعبه أتغطى عنهم وبعدين أنا مو كلهم
داقه ميانه معهم بس سطام وشوي سلمان أماسلطان
علاقتي فيه مو مره وعيال عماني الثانين علاقتي فيهم
سطحيه
رغد:أهاه تصدقين توي أدري
شحون:وهذا أنتي رفيقة دربي
رغد:الأأقول وشلون شكل سلطان عمري ماشفته مع
أني ساكنه عندكم تقريباً هو مزيون زي سطام وسلمان
ياأختي ماأدري ليش أحس لا تكلمتي عنه أنه شخصيه
وشي
شجون:أيه شخصيه أما الزين والحلاوه هو أحلى من
أخوانه
رغد:ياسلام يعني أذا ما ضبطت مع سطام أحول على
سلطان
شجون حست بالقهر :خلاص لاعاد تتكلمين عنه فاهمه
رغد:بسم الله00 يمه منك أمزح والله أمزح وش فيك
أنقلبتي كذا كني ماكله حلالك لايكون أتحبينه بس
شجون:لالاما أحبه ولا فكرت 000 وبس خلاص
قفلي على الموضوع ولا تفتحين سيرته مره ثانيه
ولاترى أخر مابيني وبينك
رغد:خلاص أسفه 0000 المهم حبيبتي متى بتطلعين
شجون:الحين بطلع
رغد:خلاص إنشاالله شوي وواصله
شجون:أكي باي
رغد:بايات
أبغى ردودكم وتوقعاتكم الله يخليكم