أمــــــــــي,,, قصيدتي لكي

أمـي تركـتني في الخامسة من عمري فأحببت أن أقدم لهـا قصيده بسيطة لاتوفي من حقها شي في روحـها الطاهرة رحمها الله وأسكنها فسيح جنـاته,, وعسى أن يجمعني بها في جنـات الخلد وجميع المسلمين,, الـلهم آميـن,,الـلهم آمين,..................


أمـــــــــي

	ناديتج ياأمي بقلبي ليتج تسمعين *** ودي أقعد بحضنج وأسولف معاج ودي أسولفلج شويه وأشوفج تضحكين *** وأقولج ياروحي سبحان من سواج تقوليلي كبرت يالشيطان وأقولج تمزحين *** أنا كتكوتج اللي مايقدر بـــلاج خاطري أدخل عليج وأشوفج تصلين *** أقولج يايمه باركيلي نجحت وغلاج وأشوفج من الفرحه ودج تطيرين *** وأشوف دموعج تنزل بليا سياج وأنا دايم على نفســج تبـــديــن *** بس همج تسعديني وماتشوفيني محتاج آه يايمه ليتج فيني تحــــسين *** لو يدري ربي بغلاج مني ما خذاج ودي أنام على صدرج وأنتي تحنين *** تمسحين على راسي بكف أياديج وأقولج يايمه ربعي عليي قاسين *** أظلموني بشكهم فيني وجيت أباج ساعديني يايمه تراني أنا مسكين *** بعدها أرتاح وأقول صدرج علاج تمنيتج لشرقت الشمس عليي تصبحين *** وإذا غابت أقولج يسعد مساج يقولون كنتي تحبيني وترابي تعشقين *** وأنا مزاياتي أخذتها من مزاياج وقلبج الطيب اللي فقدته من سنين *** ودعواتج الصادقه لمن تدعيله وصاج يايمه تسع شهور عليي تشقين *** ياليتج ماشقيتي وشفايدة الدنيا بلياج دخيلج يايمه خبريني إذا تقدرين *** تدرين إني أحبج وقلبي مانســاج طلبتج طلبه أنج بحلمي تزورين *** حتى أشوفج ثوانـــــي قبل ممشـاج لعل ربي يآخذ مني هالعينين *** إذا كنت أنا يايمه ســـبب شقــــاج ليت ربي خلاج أخواني تربين *** وخبروج بموتي أحسن الله عـــزاج أدعي ربي أنج الجنة تدخلين *** ويعوضج التعب اللي في الدنيا عطاج ياربي يارحمان أرحمها وجميع المسلمين *** وسع قبرها ونور عليها بسراج

ودي أنام على صدرج وأنتي تحنين *** تمسحين على راسي بكف أياديج


وأقولج يايمه ربعي عليي قاسين *** أظلموني بشكهم فيني وجيت أباج

مشكوووووووووور ساري الليل على القصيده الرائعه
لقد سالت دموعي عندما قرئتهاااا
قصيده في قمة الروعه
والله يرحم امك ويدخلها فسيح جناته
آآآآآآآآآآآآآآمين يارب العالمين
وعلى فكره ابي اقولك شي في كثير من الناس امهاتهم عايشين بس كأنهم ايتام
تقبل مروري
ملوكه

مشكوووره ملاك الحب على الرد الحلوو منج والكلام الطيب ,, تحياتي لج (ساري الليل)

[align=center]كلماااات رائعه ومؤثره

((رحم الله امهات المسلمين جميعآ))


سلمت اناملك وسلم احساسك

دمت ودام فيض قلمك

يعطيك العافيه

تقبل مروري[/align]

يؤيؤ شيت شيت
( اللهـٌ يرحمهـآ ويغمد روٍحهآ الجنهـٌ ى ان شاللهـُ) ,,, وٍأن شالله يجمعكـٌ ربيُ بها في جنـات الخلد يآربُ آمينُ
من متى هالشيُ وٍآنآ مدرٍي ,,سآلتكـٌ وقلتُ لكُ عن منوهـ مآقلتُ لي انتهـُ

مشكوٍوٍرٍ آخويُ يعطيكـٌ العآفيهـٌ وتقبلٌ مرٍوٍريٌ

الله يرحمهـآآ