أنتهينـا وأنتهـت كـل الحكايـه
من قبل ما نبتدي حنَـا أنتهينـا
أصلآ اللي صار مجهول البدايـه
لا تقول شلون لأ نَا مـا أبتدينـا
دام حنَا في زمـن دور الوشايـه
مستحيل الحب يبقـى لـو بقينـا
كيف تعكس حبنا شمس المرايـه
دامنا في ليلـه المظلـم سرينـا
حتى لو لشعورنا بالصدق غايـه
ينقلب صدق الوفا زيـفٍ علينـا
و الخطا ما هو خطاك و لا خطايه
الخطا انَا في زمان الزيف جينـا
زيف حبٍ يفرض أحكام الوصايه
بكل تأويـلٍ لصـدق العاشقينـا
هل تُرى حنـا وصلنـا للنهايـه
شي كنا نسمعه.. لـه مـا لقينـا
ألف قصه و ألف ديوان وروايـه
للهوى العـذري بحـب الأولينـا
كنت أحسبٍ حبهم باقـي معايـه
وأن ذاك الحب يحييَـا ماحيينـا
وأبتدت تبحث عن آثرهم خطايـه
معتقد بنعيـد عصـر الراحلينـا
وأثر قيس أخلف هوى قلبه هوايه
وانتي قلبك بالهوى .. خالف بثينا
والسبب ماهـو بحاجـه للدرايـه
في وضوحه يقطع الشك اليقينـا
لو نحاول نشـر تأثيـر الدعايـه
للـذي نبغـي نعيـده ماقويـنـا
هي كذا لاهي استعـاره لا كنايـه
شي واقـع أرتضينـاه و مشينـا
ليله من ليالي العشق 
العرض العادي
