في غيابك دفتر الذكرى حزين .. !!

#1 (**permalink**) 07-Apr-2008, 01:04 PM


	في غيابك دفتر الذكرى حزين بدم فاير داخل ادراجي سجين واغلب اوراقه حزينه كل مامريت جنبه بالحبر هل العباير والمصيبه اني مااعرف كيف اوقف دمع عينه طعنته مرسم رصاص من الوجع فالكبد غاير فرحته مبسم خلاص لحلم كنا حالمينه كنا نحلم بالموده عش وردي قلب طاير كنا نغسل بالمحبه والهوى وجه المدينه كنا نفتل بالسوالف اخر خيوط الظفاير كنا نفتل بالسوالف شوق محتاج لحنينه كنا نلوي بالمواجع اعنف خطوط الدواير كنا نرسم بالدواير اوجع خطوط الغبينه كانت احلام بمداها عطر ممزوج بسجاير عطر شيخ اضناه عمر ولاحسب حسبة سنينه طار عمري من سنينك وآه ياكبر الخساير لو ربحت الكون كله غاص لي فالربح دينه ضاق نفس الحال فيني والبلا فك الزراير عن جروح ماتنفس بالهوى غازاكسجينه كسر الخاطر ولاادري كيف تثبيت الجباير باليدين الي تكسر لن بغيت امسح جبينه هزني صوت التعازي داخل اصوات البشاير هزني نعناع اخضر مستحي من ياسمينه كل مايلمس جسدها يلمسه باحساس حاير كيف يقطف من يديها عرق موصول بيدينه كيف يقطف من يديها قلب والمكتوب صاير كيف يقطف من يديها شعر يذبح سامعينه شعر غافي في دفاتر بنت مجدوله ضفاير شعر غافي في شفايف بنت لو تضحك حزينه بــــــــــــــنت لــــــــــــــو تضحك حزينه بـــــــــــــنت لـــــــو تضحك ...حزينــــه